Nordfjord er den nest lengste fjorden i Sogn og Fjordane, som med sine 110 km strekkjer seg frå kystbyen Måløy, Bremangerlandet og Stadlandet, innover til Innvikfjorden og fjordbygdene Olden, Loen og Stryn inne i landet. Sidearmane Eidsfjorden og Gloppenfjorden ender i bygdebyane Nordfjordeid og Sandane.
Nordfjord tilbyr eit ferieområde som innehar store kontrastar i natur og landskap. Frå det opne, storslåtte landskapet på Stadlandet som stikk ut i havet som ei stor landtunge, med Vestkapp som det ultimate vestnorge, strekkjer fjorden seg til det spennande fjordlandskapet i det indre, med fjelltoppar og fjelldalar i alle retningar. Midt mellom ligg Hornindalsvatnet, som er nordeuropas djupaste innsjø. Med bil er det kort køyretid frå innerst til ytterst i fjorden; på ein og ein halv til to timar er ein ferjefri tur frå det indre til ytterst mot storhavet unnagjort.
Kysten, med dei små og større samfunna i vest, er eit eldorado for fiske og friluftsliv. Også havfiske blir arrangert i området.I Selje ligg øya Selja, med klosterruiner frå det 10. århundre.
Olden, Loen og Stryn har store vassdrag som har sitt utspring i Jostedalsbreen, den svære breen som har forma landskapet gjennom "tungene" som endar i Briksdal, (Briksdalsbreen, Melkevollsbreen, Brenndalsbreen), og Loen (Bødalsbreen, Kjenndalsbreen). Frå øverst i Oldedalen, til Briksdalsbreen, er det organisert turar med den vesle, rolege "Fjordhesten" (lokal stamme) og 2-hjulige hestekjerrer (stolkjerrer) langs den smale slyngvegen til Briksdalsbreen gjennom eit landskap med fossar og mektig natur.
På Loenvatnet er det passasjerbåt som tilbyr utflukter til enden av vatnet (Kjenndalsbreen) dagleg. Naturen her er det fremste Norge kan tilby, og må opplevast!
Innvik, Utvik er roleg fjordbygder som ikkje i altfor sterk grad er prega av sterk turisme, men har gode naturkvalitetar.
Omlag 50 km frå Stryn, ved den gamle Strynefjellsvegen, mellom Videseter Høyfjellshotell og Grotli Høyfjellshotell, finn ein Stryn Sommerskisenter som tilbyr stolheisar og skitrekk heile sommaren opp på breplatået, med fantastiske forhold for både snowboard, utfor og andre skiaktivitetar.
Mellom Stryn og Videseter ligg Jostedalsbreen Nasjonalparksenter som har et mindre arboretum, ei rikhaldig samling av alle slags plantar frå området under breen.
Frå ruta Stryn-Grotli kan ein ta turen over fjellet til fjordbygda Geiranger, med utsiktspunktet Dalsnibba og det fantastiske veganlegget Geirangervegen (serpentinerveg).Tilbake til Nordfjord kan veljast ferjereisa på Geirangerfjorden til Hellesylt.
I heile området Nordfjord blir det arrangert fjellturar (mange merka stiar), brevandring, båtturar, kanopadling, surfing, golf, mountainbiking, hesteriding, fiske i hav, fjord og fjell.
Retning sydover frå Nordfjord reiser du gjennom variert landskap til fjordbygda Fjærland med Norsk Bremuseum og Den Norske Bokbyen (antikvariat).
Velkommen til Nordfjord!